लिम्वूवान डट व्लगस्पोट डटकम,काठमाडौं
५ भाद्र २०६८,लिम्बुवान विद्यार्थी परिषदका केन्द्रीय अध्यक्ष सजीव योङ्या र महासचिव सुवास लावतीलगायत ७ जना केन्द्रीय पदाधिकारी तथा के.स.हरू र जिल्ला तथा इकाइ समितिका सयौं विद्यार्थीहरु, संलिरापका के.स. तथा कार्यकर्ता, लिम्बुवान युवा परिषद, लिम्बुवान साँस्कृतिक परिषदजस्ता जनवर्गीय संगठनबाट आज लिम्बुवानको फेदेन नगरमा एक पत्रकार सम्मेलन गरी सयौं नेता कार्यकर्ताहरु पालुङवा समूहको संलिराप परित्याग गरी मञ्च सम्बद्ध संघीय लिम्बुवान राज्य परिषदमा प्रवेश गरेका छन् । कार्यत्रममा उहाँहरुको स्वागतार्थ मञ्च सम्बद्ध सलिरापका महासचिव फक्ताङलुङ योङहाङ, सचिवालय सदस्य दिलेन्द्र कुरुम्बाङ, प्रेमदिप थाम्सुहाङ, थाङसाङ लावती के.स. संगम खनाल, सुनिता केरुङलगायतको उपस्थिति रहेको थियो । कार्यक्रममा अध्यक्ष सजिव योङयाले प्रेस-विज्ञप्ति पढेर सुनाउनुभएको थियो भने महासचिव सुवास लावतीले अबका दिनमा नयाँ जिम्मेवारीअनुसार संघीय विद्यार्थी युनियनमा उत्साहका साथ पार्टी लिएको लक्ष्य पूरा गर्न र लिम्बुवानी विद्यार्थीहरुको हक हितका लागि डटेर कार्य गर्ने प्रतिबद्धता व्यक्त गर्नुभएको थियो ।
नयाँ कार्यकर्ताहरुलाई शुभकामना दिंदै पार्टी तर्फबाट हार्दिक स्वागतका साथ नयाँ जिम्मेवारी र कार्यभार सुम्पिएको जानकारी गराउँदै महासचिव फक्ताङलुङ योङहाङले लिम्बुवान प्राप्तिको आन्दोलनमा मञ्चसम्बद्ध संलिरापले एकीकृत र मूलधारको पार्टी रुप धारण गर्दै लगेको हुँदा लक्ष्यमा पुर्याएरै छाड्ने बताउनुभयो र नवकार्यकर्ताहरुलाई धन्यवाद दिनुभयो । त्यसैगरी, सचिवालय सदस्य थाङसाङ लावती र के.स. संगम खनालले शुभकामना व्यक्त गर्दै मुलुकको वर्तमान परिस्थितिलाई मध्यनजर गर्दा लिम्बुवान सुनिश्चितताको दिशामा निर्णायक आन्दोलनको खाँचो रहेको औंल्याउनु भयो । त्यसका लागि जुन आजको कदमले पार्टी मूलधारको रुपमा विकसित हुँदै जाने आशा व्यक्त गर्दै लक्ष्यमा पुर्याने अठोट व्यक्र गर्नुभयो । कार्यक्रम पान्थर जिल्ला अध्यक्ष लावाहाङ चेम्जोङको अध्यक्षतामा भएको थियो भने के. सचिवालय सदस्य प्रेमदीप थाम्सुहाङले सञ्चालन गर्नुभएको थियो । कार्यक्रममा पार्टी नेता, कार्यकर्ता, नवप्रवेशी कार्यकर्ता तथा पत्रकार गरी सयौंको उपस्थिति रहेको थियो ।
- दिलेन्द्र कुरुम्बाङ, पान्थर, लिम्बुवान
No comments:
Post a Comment