News

Aug 26, 2011

लिम्बुवानमा मसाल जुलुश र मोटर साइकल र्‍याली हुने

लिम्वूवान डट व्लगस्पोट डटकम,काठमाडौं/डीबी आङ्बुङ लिम्बू
दमक,७ भाद्र २०६८,संविधानसभामार्फत संघीय लोकतान्त्रिक गणतन्त्रात्मक धर्मनिरपेक्ष राज्य नेपालअन्तर्गत जातीय ऐतिहासिक पृष्ठभूमिको आधारमा आत्मनिर्णयको अधिकार र स्वशासनसहितको लिम्बुवानलगायतका स्वायत्त राज्यहरूको संवैधानिक घोषणा गर्नुपर्ने माग राख्दै मञ्चसम्बद्ध संघीय लिम्बुवान राज्य परिषदले गर्दै आएको विभिन्न स्वरुप र चरणको आन्दोलन जारी छ । मञ्च सम्बद्ध संघीय लिम्बुवान राज्य परिषदले गर्दै आएको शान्तिपूर्ण तर सशक्त आन्दोलनको क्रम्मा संविधान सभामार्फ् हुने संघीयता, गणतन्त्र, धर्मनिरपेक्षता तथा जातीय ऐतिहासिक पृष्ठभूमिको आधारमा बन्ने आत्मनिर्णयको अधिकार र स्वशासनसहितका अरुणपूर्व नौ जिल्ला लिम्बुवान राज्यको विरोधी एकात्मकवादीहरूको एकात्मक चलखेल र षडयन्त्रको विरुद्धमा यही भाद्र ७ गते साँझ लिम्बुवानका नौवटै जिल्लाका विभिन्न सदरमुकाम र प्रमुख बजारहरूमा राँके जुलुश गरी भाद्र ८ गते दिउँसो लिम्बुवानका विभिन्न जिल्ला र क्षेत्रबाट जम्मा भइआएका हजारौ लिम्बुवानी नेतृत्व तथा कार्यकर्ताहरूको व्यापक सहभागीतामा भव्य मोटर साइकल र्‍यालीसहित लिम्बुवानको विर्तामोड, मदक, झापा; उर्लांबारी, पत्थरी, मोरङ; र धरान, इटहरी सुनसरीहुँदै सप्तकोशी ब्यारेजमा पुगेर एकात्मकवादीहरूको पुत्ला दहन गरी विशेष कोणसभा गरिने कार्यक्रम रहेको जानकारी एक प्रेस विज्ञप्तिमार्फत गराइएको छ ।
मञ्च सम्बद्ध संघीय लिम्बुवान राज्य परिषदका वरिष्ठ उपाध्यक्ष ता लिम्बुवान आन्दोलन संयोजक ज्ञानबहादुर गुरुङद्वारा हस्ताक्षरित सो विज्ञप्तिमा उक्त शान्तिपूर्ण आन्दोलनमा व्यापक सहभागीता जनाई लिम्बुवान राज्य प्राप्तिको आन्दोलनमा ऐतिहासिक योगदान पुर्‍याउन सहयोग गर्नहुन सम्पूर्ण लिम्बुवानवासी लिम्बुवानी शुभेच्छुक कार्यकर्ता, बुद्धिजिबी, मजदुर, शिक्षक, विद्यार्थी, व्यापार व्यवशायीलगायत पत्रकारहरूमा हार्दिक अपील गरिएको छ ।
सोही विज्ञप्तिमा हालै, नेपाल सरकार गृह मन्त्रालयले देशमा विद्यमान ठूला समस्या र चुनौतीको पहिचान गरेको भन्दै तयार गरेको अभिलेखमा विभिन्न दश समस्या पहिचान गरेको भनी फेरि पनि लिम्बुवान र यसको आन्दोलनलाई निष्तेज पार्ने कुत्सित नियतले स्वतन्त्र लिम्बुवानको माग गरेर स्वतन्त्र देशको अस्तित्वमै प्रश्न उठाउने गतिविधि भइरहेको भन्ने अनर्गल प्रचारबाजीप्रति गरेको भन्दै सोप्रति मञ्च सम्बद्ध संघीय लिम्बुवान राज्य परिषदको गम्भीर ध्यानाकर्षण भएको जनाइएको छ । विज्ञप्तिमा थप भनिएको छ- ''लिम्बुवानको शान्तिपूर्ण आन्दोलनलाई जबर्जस्त हिङ्सा र विद्रोहतर्फ धकेल्ने षडयन्त्र कोही कतैबाट पनि नगरियोस् भनी चेतावनी दिन चाहन्छौं ।''

No comments: