संविधानसभाको म्याद तीन महिना थप्ने प्रस्ताव लगेपछि माओवादीका बहिष्कार

लिम्वूवान डट व्लगस्पोट डटकम,काठमाडौं

प्रधानमन्त्री झलनाथ खनालले मन्त्रिपरिषदमा संविधानसभाको म्याद तीन महिना थप्ने प्रस्ताव लगेपछि एकीकृत नेकपा माओवादीका मन्त्रीहरुले मन्त्रिपरिषदको बैठक नै बहिष्कार गरेका छन्। सर्वदलिय बैठकमा संविधानसभाको म्याद ६ महिना थप्ने सहमति भएपछि प्रधानमन्त्रीले एमालेको निर्णय भन्दै तीन महिना मात्र थप्ने प्रस्ताव लगेका कारण बैठक वहिस्कार गरेको माओवादी पार्टीका सचिव पोष्ट बहादुर बोगटीले जानकारी दिनुभयो। सर्वदलीय बैठक पछि लगत्तै बसेको मन्त्री परिषदको बैठकमा माओवादीबाट मन्त्री बनेकाहरुले प्रधानमन्त्रीको प्रस्ताव प्रति आपत्ति जनाउँदै बैठक बहिस्कार गरेका हुन्। बैठक शुरु भएलगत्तै प्रधानमन्त्री खनालले नेकपा एमालेले संविधान सभाको म्याद तीन महिना थप गर्ने निर्णय भएको भन्दै प्रस्ताव राखेपछि माओवादी मन्त्रीले आपत्ति जनाएका थिए।