अनुराधा कोइराला कोरियाको मान्हे पुरस्कारबाट सम्मानित

लिम्वूवान डट व्लगस्पोट डटकम,काठमाडौं

मानव बेचबिखनका विरुद्ध काम गर्दै आएकी समाजसेवी अनुराधा कोइराला कोरियाको प्रख्यात एक अन्तराष्ट्रिय पुरस्कारबाट सम्मानित भएकी छिन् । यसअघि सिएनएन हिरो भएकी उनी अहिले कोरियाको प्रख्यात अन्तराष्ट्रिय मान्हे पुरस्कारबाट सम्मानित भएकी हुन् । दक्षिण कोरियाको राजधानी सिउलमा शुक्रबार आयोजित विशेष समारोहमा कोइरालालाई सो पुरस्कार प्रदान गरिएको हो । मानव बेखबिखनको क्षेत्रमा काम गर्दै आएको संस्था माइती नेपालका संस्थापक अध्यक्ष कोइरालालाई हिंसाविरुद्ध उदाहरणीय योगदान पुर्‍याएको भन्दै पुरस्कार प्रदान गरिएको हो । पुरस्कारको राशी पाँच करोड कोरियन वान रहेको छ । पुरस्कारसँगै स्वर्णपदक र सम्मानपत्र पनि प्रदान गरिएको छ । कोरियाली स्वतन्त्रता आन्दोलनका अगुवा तथा शान्तिका प्रवर्द्धक स्व मान्हे शासडको नाममा स्थापित मान्हे फाउन्डेशनले नेलसन मन्डेला, दलाइ लामालगायतका थुप्रै अन्तराष्ट्रिय व्यक्तित्वहरुलाई यो पुरस्कार प्रदान गरिसकेको छ ।