निर्माणधीन संविधानमा लाहुरेहरुको चासो

लिम्वूवान डट व्लगस्पोट डटकम,काठमाडौं/विश्वास दीप

२२ अगस्त ११, निर्माणाधीन संविधानमा अनिवार्य समेटिनु पर्ने ९ वटा बुदा माथि समिक्षात्मक छलफल सम्पन्न भयो । संवैधानिक समितिका सदस्य तथा सभासद हरीराज लिम्बुको उपस्थिती, चुम्लुङ अध्यक्ष अर्जुन लिम्बु, युवानेता कुमार लिङदेनको आतिथ्य लगायत २ दर्जन समृद्ध नेपालका अभियन्ताहरुको उपस्थिती रहेको थियो । स्वतन्त्र विचार समुह वेलायत, ब्रुनाईले गत बैसाक र जेठमा संविधान सभा हलको ठिक अगाडि उक्त ९ बुदा लेखिएको विशाल होर्डिङ बोर्ड राखेको थियो, उभौली, लोसार तथा विभिन्न अवसरमा ५ सय ९८ जना सभासदहरुलाई शुभकामना कार्ड र गोजी पात्रो प्रदान गरेको थियो । उक्त कार्ड र पात्रोमा पनि सोहि ९ बुदा राखिएका थिए । त्यस्तैगरि नेपाल साप्ताहिक पत्रिका लगायतमा विज्ञापन स्वरुप प्रकाशन गरिएको थियो । यी विभिन्न कार्यहरु डेडलाख रुपैयाको लागतमा सम्पन्न गरिएको थियो । तिनै कार्यहरुको समिक्षा तथा जानकारीको लागि अन्तरक्रियाको आयोजना गरिएको थियो । संचेतना जोगाउने कार्य अत्यन्तै स्रहानिय भएको र यस कार्यमा सहयोग गर्ने सबै लाहूरे दाजुभाईहरु धन्य हुनुहुन्छ, यी ९ बुदाहरुको लागि आफ्नो ठाँउबाट सक्दो पहल गर्ने सभासद लिम्बुले बताउनु भयो । यो कार्यले अत्यन्तै महत्वपूर्ण काम गरेको निश्कर्ष रह्रयो भने यहि सानो सहयोगले पनि ठूलो परिवर्तन गर्न सघाउ पुर्याएको बताउदै यसलाई निरन्तरता दिन बक्ताहरुले आग्रह गर्नुभयो । सन्तराज आङदेम्बे अध्यक्ष रहनु भएको प्रवाह समुहको संयोजक विश्वास दीप तिगेलाको सभापतित्वमा सम्पन्न उक्त कार्यक्रममा थर्कदीप तिगेलाले स्वागत मन्तब्य ब्यक्त गरेका थिए भने डि वि आङबुहाङले संचालन गर्नुभएको थियो ।