तराई मुक्ती मोर्चा आजाद समुह र नेपाल सरकार बीच ६ वुंदे सहमती

लिम्वूवान डट व्लगस्पोट डटकम,काठमाडौं

संयुक्त जनतान्त्रिक तराई मुक्ती मोर्चा आजाद समुह र नेपाल सरकार बीच ६ वुंदे सहमती भएको छ । रुपन्देहीको लुम्विनी स्थित होटल लेकमा शुक्रवार राती अवेर सकिएको पहिलो चरणको शान्ति वार्तामा आगामी वार्ता सम्मको अवधिमा मोर्चासँग भएका हातहतियारको विवरण सरकारलाई वुझाई वार्ताको क्रममा हतियार नै वुझाउने सहमती भएको छ । अर्को वार्ताको तिथि मिति भने आपसी समझदारीमा तय हुने भएको छ । वार्ता अवधिभर मोर्चाको वार्ता टोलीका सदस्यको सुरक्षाको ग्यारेण्टी सरकारले गर्ने र वार्ता अवधिभर नेपालको संविधान र कानुनले निषेध गरेका गतिविधि मोर्चाले वन्द गर्ने पनि सहमती भएको छ । त्यस्तै आस्थाका आधारमा पक्राउ परेका मोर्चाका नेता र कार्यक्रर्तालाई वार्ता अवधिभरमा मुद्धा फिर्ताको वातावरण तयार गरि रिहा गर्ने सहमती भएको छ । नेपाल सरकारको वार्ता टोलीको नेतृत्व शान्ति मन्त्रि पम्फा भुसालले गर्नुभएको थियो भने मोर्चाको नेतृत्व आजादले गर्नुभएको थियो । तराईमा हिंसारत मोर्चालाई सरकारले राजनितिक शक्तिको मान्यता दिएर शान्ति वार्ताको पत्र पठाएपछि त्यसलाई स्विकार्दै मोर्चाले आजादकै संयोजकत्वमा ७ सदस्यिय वार्ता टोली गठन गरेको थियो ।