चुम्लुङ कोरिया सशक्त बन्दै

लिम्वूवान डट व्लगस्पोट डटकम,काठमाडौं/देबेन्द्र सम्बाहाम्फे /कोरिया

किराँत याक्थुङ चुम्लुङ दक्षिण कोरियाको सातौं कार्य समितिको पहिलो बैठकले विभिन्न पदहरू मनोनयन गर्नुका साथै पाँच सदस्यीय सचिबालय समिति गठन गरेको छ |चुमलुङ कोरियाका अध्यक्ष नन्द काम्बाङ्(मिराप)ले दिएको जानकारी अनुसार गत आइतबार आफ्नै कार्यलय ओसान नगरमा सम्पन्न बैठकले सल्लाहाकारहरुमा डि.बि.थेबे,रण बहादुर परा,याम सेर्मा नरेन्द्र चेम्जोङ्लाई र रिक्त महिला सदस्यमा चन्द्रकला थापामगर(लिम्बु)लाई मनोनयन गरेको छ। बैठकमा अध्यक्ष नन्द काम्बाङ्को(मिराप) संयोजकत्वमा पाँच सदस्यीय सचिवालय समिती पनि गठन गरिएको छ समितीमा दिलकुमार लक्सम, मिक्सेन कुरुम्बाङ्, प्रकाश लिङ्देन र ठगिन्द्र फ्याक सदस्यको रूपमा रहने छन् |सो बैठकले आगामी चासोक तङनाम भब्य रुपले मनाउने निर्यण पनि गरेको छ ।