लिवियन शासक कर्णेल मुआमर गद्धाफीका छोरा सार्वजनिक

लिम्वूवान डट व्लगस्पोट डटकम,काठमाडौं

लिवियन शासक कर्णेल मुआमर गद्धाफीका छोरा सेफ अल इस्लामले ट्रिपोलीमा भइरहेको विद्रोहीको आक्रमणलाई सरकारले निस्तेज पारेको दावी गरेका छन् । राजधानीमा ट्रिपोलीमा प्रस्तुत भएका इस्लामले सरकारले विद्रोहीको आक्रमणको ढाड भाँचिदिएको उल्लेख गरेका छन् । विद्रोहीले उनलाई पक्रेको दावी गरेको एक दिनपछि सरकारप्रति वफादार सेना रहेको होटलको कम्पाउण्डमा सरकारी गाडीबाट उनले यस्तो अभिब्यक्ति दिएका हुन् । विविसीका समाचारदाताका अनुसार सेफ अल इस्लाम ढुक्कले बोलिरहेका थिए । उनी मगंलबार शुरु भएको घण्टामै होटल परिसरमा सार्वजनिक भएका थिए । सोमबार विद्रोहीहरुले सरकारी प्रतिरोधको भारीमात्रामा सामाना गर्नुपरेको थियो र दुबै पक्षहरुले राजधानी ट्रिपोलीका अधिंकाश भागहरु आफ्नो नियन्त्रणमा रहेको दाबी गरेका छन् ।