जीवनसाथी तनावमा भए चाँडै मृत्यु

लिम्वूवान डट व्लगस्पोट डटकम,काठमाडौं

भाद्र १० - जीवनसाथी कति शान्त छन्/छिन् भन्ने कुरामा हेक्का राख्नुहोला । यसलाई हलुका हिसाबले नलिनोस् । किनभने जीवनसाथी सधैं तनावमा रहे तपाइको जीवन अवधिसमेत प्रभावित हुन सक्छ । ग्लासगो विश्वविद्यालयका वैज्ञानिक टोलीले यसका लागि पक्षीको अध्ययन गर्‍यो । व्यग्र साथीसँग जोडी कनाउने पक्षी कम उमेरमा मर्ने सम्भावना बढी हुने तथ्य त्यो टोलीले पत्ता लगायो । अनुसन्धाताहरूका अनुसार, चिढचिढो स्वभाव हुने जीवनसाथीसँग जीवनयापन गर्नु सहज हुँदैन । त्यस्ता पार्टनरबाट सुख कम दुःख बढी पाइन्छ । अध्ययन दलका प्रमुख डा. पेट मोनागन भन्छन्, 'अध्ययनको निचोड यत्ति हो- गलत जीवनसाथीको छनोट तपाइको स्वास्थ्यका लागि नोक्सानदायक हुन सक्छ ।'