दाजुले भाइको लिङ्ग काटिदिएपछि गम्भीर घाइते

लिम्वूवान डट व्लगस्पोट डटकम,काठमाडौं

पर्वत, भदौ ७- मदिराको उन्मादमा दाजुले भाइको लिङ्ग काटिदिएपछि उनी गम्भीर घाइते भएका छन्। पर्वत जिल्लाको कुर्घा गाविस-५ का ३६ वर्षीय बुद्धिबहादुर नेपालीले आफ्ना २५ वर्षीय भाइ श्यामबहादुरको लिङ्ग काटिदिएपछि गम्भीर अवस्थामा रहेका छन्। घाइते नेपालीको पोखरामा उपचार भइरहेको छ। मदिरा सेवन गरेका दाजु बुद्धिले भाइसँग झगडा गरी भदौ ४ गते लिङ्ग काटिदिएको प्रहरीले जनाएको छ। प्रहरीले अभियुक्त नेपालीलाई पक्राउ गरी अनुसन्धान गरिरहेको जिल्ला प्रहरी कार्यालय पर्वतका प्रहरी नायब उपरीक्षक सुरेन्द्रबहादुर गुरुङले बताए। उनलाई ज्यान मार्ने उद्योगमा मुद्दा चलाउने तयारी भइरहेको उनले बताए।