गाविस सचिवहरुको आन्दोलनले पाँचथरमा सेवाग्राही मारमा

लिम्वूवान डट व्लगस्पोट डटकम,काठमाडौं

सरकारले आफूहरुमाथि तलब भत्ताको विषयमा विभेद गरेको विरोधमा गाविस सचिवहरुले थालेको आन्दोलनले जिल्लाका हजारौं सेवाग्राही मारमा परेका छन् । आन्दोलनका क्रममा सचिवहरुले जनसारोकारका सम्पूर्ण सेवा ठप्प पारेपछि सेवाग्राही मरमा परेका हुन् । जन्मदर्ता, मृत्युदर्ता, विवाहदर्ता, नारगिकता सिफासिर लगायत सामान्यदेखि अति आवस्यकिय सेवा सचिवले बन्द गरेका छन् । जिल्लाका ४१ गाविसका सचिवहरु सदरमुकाम फिदिममा केन्द्रित छन् । आन्दोलित सचिवले सेवा बन्द गर्दा दुरदराज गाविसदेखि सदरमुकाममा सेवा लिन आउने सेवाग्राही बढी मारमा परेका छन् । ‘एक दिन लाग्ने टाढादेखि गाविसको काम लिएर आइएको थियो । सचिवहरुको आन्दोलनको चपेटामा परियो’, लिम्बाका विरेन्द्र लावतीले पिडा पोख्नुभयो । मानो रोपेर मुरी उब्जाउने समयमा सयौं रुपैयाँ खर्चेर सचिव भेट्न सदरमुकाम आउने लावती जस्ता हजारौंले दोहोरो मार खेपेका छन् । सेवाग्राहीले विनासित्ती समय र खर्चको नोक्सानी भोग्नु परेको छ । सचिवहरुले गावसको काम काज ठप्प पार्दा जिल्लाका सरकारी गैर सरकारी कार्यालय समेत प्रभावित भएका छन् । गाविससंग सम्बन्धित भएर सञ्चालन गनुपर्ने ४१ सरकारी कार्यालयको काम काज ठप्प भएको छ । जिल्ला प्रशासन कार्यालयमा मात्रै गाविस हुदै आउने सयौ सेवाग्राहीको घुइचो लाग्थ्यो । अहिले जिल्ला प्रशासन कार्यालय सुनसान रहेको छ । देशव्यापी रहेको सचिवहरुको आन्दोलन भदौ १ गतेसम्म जारी रहने सचिवहरुले बताएका छन् । सरकारले माग सम्बोधन नगरे थप आन्दोलनको कार्यक्रम घोषणा गर्ने उनीहरुले बताएका छन् ।