लिम्बुवानी राँके जुलुश र मोटर साइकल र्यालीसहित

लिम्वूवान डट व्लगस्पोट डटकम,काठमाडौं/प्रेम तुम्बापो "मिम्जी"

दमक,८ भाद्र २०६८,संघीय लोकतान्त्रिक राष्ट्रिय मंच सम्बद्ध संघीय लिम्बुवान राज्य परिषद्को आयोजनामा "लिम्बुवान स्वायत्त गणराज्य स्थापनाको लागि एक होऔं" भन्ने मूल नाराका साथ २०६८ भाद्र ७ गते साँझ लिम्बुवानका विभिन्न प्रमुख शहरहरू धरान, इटहरी, सुनसरी; पथरी, उर्लाबारी, मोरङ; दमक, बिर्तामोड, झापा; इलाम बजार, इलाम, फेदेन बजार, पान्थर; फुङलिङ बजार, ताप्लिजोङ, मेयङलुङ बजार, तेह्रथुम; धनकुटा बजार, धनकुटा; चैनपुर/खाँदबारी सङखुवासभालगायतका स्थानमा भब्य राँके जुलुश गरी सोही स्थानबाट सयौको सङख्यामा मोटर साइकल र्यालीसहित सप्तकोशीको कोशी ब्यारेजमा पुगेर संघीयता बिरोधी एकात्मकवादीहरूको पुत्ला दहन गरी कोणसभा गरेर कार्यक्रमको अन्त्य गरिएको थियो |

लिम्बुवान को इटहरी देखी अरुण सप्तकोशीको किनारसम्म करिब १५ सय मोटर साइकल र्यल्ली सम्पन्न भयो | संबिधान सभाद्वारा लिम्बुवान, खम्बुवान , तामाङसालीङलागयातका संघीय गणराज्य स्थापना हुनुपर्ने र लिम्बुवानलाई टुक्राउन नहुने कार्यक्रमको प्रमुक उद्धेश्य थियो | कार्यक्रमको सुरुवा मा एकात्मकवादीहरुको पुत्ला दहन गरिएको थियो | एकात्मकवादीहरूको पुत्लालाई मंच सम्बद्ध संघीय लिम्बुवान राज्य परिषदका अधक्ष्य कुमार लिङदेन "मिराक" बाट पुत्लामा आगो लगएर दाह संस्कार गरिएको थियो | पुत्लादहनपछि सप्तकोशीपुलको मद्यभागमा संघीयवादी लिम्बुवानी झन्डाहरु गाडिएको छ | कार्यक्रमको अन्तमा कोणसभामा परिणत भएको थियो | कोणसभामा बोल्दै लिम्बुवानका अध्यक्ष्य कुमार लिङदेन "मिराक" ले अरु सबै सबै हारे पनि यी एकत्मकवादीहरूसंग लिम्बुवान कहिलै नहारी आन्दोलन जारी राख्ने बताउनु भयो | लिम्बुवानका उपाध्यक्ष्य तथा आन्दोलन संयोजक ज्ञान बहादुर गुरुङले कार्यक्रमको समापन गर्दै लिम्बुवान आन्दोलन निरन्तर जारी रहने बताउनु भयो |

तत्कालै मंच सबद्ध संघीय लिम्बुवान राज्य परिषदले लिम्बुवानको बिराटनगरमा बिशाल लिम्बुवानी आमसभा गर्ने कार्यक्रम रहेको छ | कार्यक्रमको संचालन लिम्बुवानका सचिवालय सदस्य प्रेमदीप थाम्सुहाङद्वारा गरिएको थियो भने केन्द्रीय सदस्य टीका ढुङगेलले स्वागत गर्नु भएको थियो |