बुद्धिकर्ण तथा काङसोरे संरक्षण प्रतिष्ठान गठन

लिम्वूवान डट व्लगस्पोट डटकम,काठमाडौं

धरानर, गत १३ अगस्त ११ का दिन धरानमा भएको एक भेलाले बुद्धिकर्ण तथा काङसोरे संरक्षण प्रतिष्ठान गठन गरेको छ । पूर्व क्याप्टेन गजरधन तिगेला खेवाहाङको संयोजकत्वमा बसेको भेलाले लोकेन्द्र तिगेला खेवाहाङको अध्यक्षतामा ९ सदस्यीय समिति निर्माण गरेको छ । जसमा उपाध्यक्ष टेकराज तिगेला खेवाहाङ, सचिव कमल तिगेला खेवाहाङ, सहसचिव विश्वास दीप तिगेला खेवाहाङ, कोषाध्यक्ष गंगाहाँङ तिगेला खेवाहाङ र सदस्यहरु क्रमश शिव कुमार तिगेला खेवाहाङ, धनाहाङ तिगेला खेवाहाङ, मोहन तिगेला खेवाहाङ, कमलसिं तिगेला खेवाहाङ रहनु भएको छ । त्यस्तै गरी प्रतिष्ठानको संरक्षक माननीय हरिराज खेवाहाङ (तिगेला), प्रमुख सल्लाहकार गजरधन तिगेला खेवाहाङ, कानुनी सल्लाहकार अधिबक्ता उत्तरमान तिगेला खेवाहाङ रहनु भएको छ ।

बुद्धिकर्णको भग्नावशेष दरबारमा भेला भएर घोषणा गरिएको संरक्षण प्रतिष्ठानले तत्कालिन र दिर्घकालिन योजनाहरु तय गरेको छ । अन्य सहयोगी संघसंस्था, व्यक्ति, नेपाल सरकार संग मिलेर अघि बढ्ने, भग्नावशेष दरवार क्षेत्रको संरक्षण गर्ने र वीरयोद्धा काङसोरेको प्रतिमा निर्माण गर्ने लगायतको गुरुयोजना रहेको बताइएको छ । खेवाहाङ बंशावलीमा पर्ने बुद्धिकर्ण राय र काङसोरेको इतिहास संरक्षण तथा थप खोजअनुसन्धानको लागि प्रतिष्ठान निर्माण गरिएको हो । आज सम्म प्राप्त प्रमाणले बुद्धिकर्ण र काङसोर खेवाहाङ भएको पुष्टि भएको नवगठित प्रतिष्ठानका अध्यक्ष लोकेन्द्र तिगेला खेवाहाङले बताएका छन् । त्यसैगरी इतिहासको लामो अध्ययन अनुसन्धान पछि विश्वासयोग्य प्रमाणको आधारमा बुद्धिकर्ण तथा काङसोरे संरक्षण प्रतिष्ठान गठन गरिएको जानकारी ‘लिम्बुवानको भूमि एवं प्रथागत राजनीति तथा कानुनी ब्यवस्था’ सम्बन्धमा विद्याबारिधि गर्दैगर्नु भएका सचिव कमल तिगेला खेवाहाङले दिएका छन् ।