गद्दाफीलाई पक्राउ वा हत्या गर्नेलाई १७ लाख डलर पुरस्कार

लिम्वूवान डट व्लगस्पोट डटकम,काठमाडौं

भाद्र ८ - लिवियाको बिद्रोही सरकारले तानाशाह कर्णेल मुअम्मर गद्दाफीलाई पक्राउ वा हत्या गर्नेलाई १७ लाख अमेरिकी डलर पुरस्कार घोषणा गरेको छ । एजेन्सीहरुका अनुसार म‌गलबार उनको बव-अल-अजिजिय दरवारलाई बिद्रोहीहरुले कब्जामा लिएपनि उनी नभेटिएपछि पुरस्कार घोषणा गरेका हुन् । लिवियामा ४७ बर्ष शासन गरेका गद्दाफी राजधानी त्रिपोली भित्रै वा त्यसैको वरिपरि रहेको अनुमान गरिएको छ । उनको समर्थक सैनिकहरुले अझै पनि राजधानी त्रिपोलीका बिभिन्न स्थानहरुमा बिद्रोहीहरुको प्रतिरोध गर्न छाडेका छैनन् । प्रतिरोध नसकिएकै कारण बिद्रोहीहरुले आफ्नो मुख्यालय बे‌गाजीबाट राजधानी त्रिपोली सार्ने कार्यक्रम पर सारेका छन् । गत आइतवार राती बिद्रोहीहरु विभिन्न नाकाहुँदै राजधानी त्रिपोली प्रवेश गरेका हुन । त्यहाँ गद्दाफी समर्थक र बिद्रोहीबीचको स‌घर्षमा हालसम्ममा चार सय जनाको ज्यान गएको र हजारौ‌ घाइते भएको बताइएको छ ।

गद्दाफीको निवास बिद्रोहीको कब्जामा गएपछि गद्दाफी सरकारका उच्च अधिकारीहरुले बिद्रोहीको समर्थन गर्न थालेका छन् । यद्यपी म‌गलबार गद्दाफीले कि मरिन्छ कि जितिन्छ भन्ने अभिब्यक्ति दिएका थिए । उनले आफ्नो निवास छाड्नुलाई पनि रणनीति बताएका छन् । नाटो सैनिकहरुले केही महिनायता बिद्रोहीहरुको सहयोगका लागि बम बर्षा गर्दै आएका थिए । अहिले पनि बिद्रोहीहरुको सहयोगमा त्रिपोलीमा गद्दाफी समर्थक रहेको स्थानहरुमा बम बर्षाउन काम जारी रहेको छ । अझै पूर्व र दक्षिणका दुई सहर गद्दाफीकै बलियो पकटमा रहेको बताइएको छ । बिद्रोही सरकारका अधिकारीहरुले ति सहरका स्थानीय राजनीतिकर्मीहरुस‌ग कसरी शान्तिपूर्ण ढ‌गले समाधान गर्ने भन्ने सम्बन्धमा छलफल अघि बढाइएको उल्लेख गरेका छन् ।