भुवन केसी आजदेखि सत्तारुढ दल नेकपा एमालेमा प्रवेश

लिम्वूवान डट व्लगस्पोट डटकम,काठमाडौं

नेपाली रजतपटका चर्चित नायक तथा गायक भुवन केसी आजदेखि सत्तारुढ दल नेकपा एमालेमा प्रवेश गरेका छन् । राष्ट्रिय सांस्कृतिक महासंघको २४ औ स्थापना दिवसको अवसरमा राजधानीमा गरिएको कार्यक्रममा नायक केसीलाई प्रधानमन्त्री तथा एमालेका वरिष्ठ नेता माधवकुमार नेपालले अबीर लगाएर एमालेमा प्रवेश गराएका हुन् । पछिल्लो समयमा कलाकारहरु राजनीतिक दलमा प्रवेश गर्ने क्रम चलिरहेका समयमा नायक केसी एमालेमा प्रवेश गरेका हुन् । त्यसै गरेर यस बर्षको राष्ट्रिय जनसंस्कृतिक पुरस्कारबाट साहित्यकार सलीम समदर्शी पुरस्कृत भएका छन् । भोजपुरी साहित्यमा उल्लेखनीय योगदान पुर्‍याएबापत बाराका ७७ बर्षीय रमदर्शीलाई २५ हजार राशिको जनसांस्कृतिक पुरस्कार दिइएको हो । यसैगरी जनसांस्कृतिक युवा प्रतिभा पुरस्कारबाट हास्य कलाकार मनोज गजुरेल सम्मानित भए । गजुरेलले पुरस्कार स्वरुप नगद १० हजार र तामपत्र पाए ।