नियमावली संशोधनपछि मात्रै प्रस्तावित राजदूतको सुनुवाई हुने

लिम्वूवान डट व्लगस्पोट डटकम,काठमाडौं

व्यवस्थापिका संसदको संसदीय सुनुवाई समितिको आज बसेको बैठकले संसदको कार्य सञ्चालन नियमावली संशोधनपछि मात्र जापानका लागि प्रस्तावित राजदूतको सुनुवाई गर्ने निर्णय गरेको छ । समितिको यस्तो निर्णयले जापानका लागि प्रस्तावित राजदूत मदनकुमार भट्टराईको सुनुवाई तत्काल नहुने भएको हो । आज बसेको समितिको बैठकले कार्य संचालन नियमावली २०६५ को नियम १६२ बमोजिम नियम ११९ -१ संशोधन वा परिमार्जन भइ आएपछि मात्र भट्टराईको नाम सिफारिस गर्ने उल्लेख गरेको हो । नियमावली विपरीत भएको भन्दै यस अघि बंगलादेशका राजदूतमा प्रस्ताव गरेका हरिकुमार श्रेष्ठको नियुक्ति प्रक्रिया स्थगित गरेको थियो । जापानका लागि नेपाली राजदूत गणेशकुमार योन्जनको कार्यकाल बाँकी नै छँदा सरकारले परराष्ट्र सचिव भट्टराईको नाम प्रस्ताव गरेको थियो ।