चेलीबेटी बेचबिखनको आरोपमा प्रहरीले दुई युवतीसहित पण्डित पक्राउ

लिम्वूवान डट व्लगस्पोट डटकम,काठमाडौं

झापा, कात्तिक १४ - चेलीबेटी बेचबिखन गर्न लागेको आरोपमा प्रहरीले दुई युवतीसहित पूजा गर्दै हिँड्ने एक पण्डितलाई झापाको बुधबारेबाट शुक्रबार पक्राउ गरेको छ। मकवानपुर आमभञ्ज्याङ-३ का नारायण बञ्जरालाई काठमाडौँ ललितपुरकी १६ वर्षीया सरिता चौलागाईं र ३२ वर्षीया अम्बिका ढुङ्गानासहित पक्राउ गरिएको हो। ती युवतीलाई काठमाडौँबाट विक्रीका लागि भारततर्फ लैजाँदै भन्ने विशेष सुराकीको आधारमा सादा पोसाकमा खटिएका प्रहरीले बुधबारे चोकबाट पक्राउ गरेको हो। पक्राउ गरिएका तीनै जनालाई इलाका प्रहरी कार्यालय, काँकडभिट्टामा बुझाइएको प्रहरी चौकी बुधबारेका प्रमुख रामकाजी कटवालले जानकारी दिए।