क्षेत्रीलाई आदिवासी जातीमा सूचीकृत गर्न माग

लिम्वूवान डट व्लगस्पोट डटकम,काठमाडौं

खस क्षेत्रीलाई आदिवासी जातीमा सूचीकृत गरिनुपर्ने माग तीब्र रुपमा उठिरहेको छ । खस क्षेत्रीलाई आदिवासी जातीमा सूचीकृत गरी जनसंख्याको आधारमा राज्यका हरेक अंग र तहमा समानुपातिक प्रतिनिधित्व गराउनुपर्ने क्षेत्री समाज राष्ट्रिय महासंघले जोडदार माग गर्दै आएको छ । महासंघको कीर्तिपुर नगर समितिले माग पूरा गर्न दबाब दिंदै मोटरसाइकल र्‍याली निकालेको छ । कीर्तिपुरबाट शुरु भएको र्‍याली भत्क्या पाटी, चोभार, टौदह, चम्पादेवी, मच्छेगाउँ हुँदै भत्क्यापाटीमा पुगेर कोणसभामा परिणत भएको थियो । र्‍यालीमा सहभागीहरुले सम्पूर्ण क्षेत्रीहरु एक हौं, क्षेत्रीलाई आदिवासी जातीमा सूचीकृत गर लगायतका नारा लेखिएका प्लेकार्ड झुण्ड्याएका थिए ।