तीन प्रमुख दलको बैठक बिना निष्कर्ष टुङ्गियो

लिम्वूवान डट व्लगस्पोट डटकम,काठमाडौं

राजनीतिक गतिरोध अन्त्यको प्रयासस्वरुप आज शनिबार बसेको तीन प्रमुख दलको बैठक बिना निष्कर्ष टुङ्गिएको छ ।यद्यपि छलफललाई निरन्तरता दिन भने प्रमुख तीन दल राजी भएका छन् । एकीकृत माओवादीले प्रधानसेनापति थमौंती गर्ने राष्ट्रपतिको कदमबारे साझा संकल्प प्रस्तावमा स्पष्ट रुपमा उल्लेख हुनुपर्ने अडान राखेपछि बैठक बिना निष्कर्ष टुङ्गिएको हो । बैठकमा साझा संकल्प प्रस्तावको मस्यौदालाई अन्तिम रुप दिनेबारे तीनै दलका नेताहरुबीच छलफल भएपनि माओवादीले अडान नछाडेपछि निष्कर्षवहीन बन्न पुगेको हो । बैठकमा साझा संकल्प प्रस्तावको मस्यौदा तयार पार्ने जिम्मेवारी पाएका नेपाली काँग्रेस र एमालेले मस्यौदा प्रस्तुत गरेका थिए । तर माओवादीले भने मस्यौदामा राष्ट्रपतिको कदमबारे केही उल्लेख नगरिएको भन्दै आपत्ति जनाएको थियो । यस अगाडि हिजो शुक्रबार बसेको तीन दलको बैठक पनि बिना निष्कर्षटुङ्गएिको थियो । तीनै दलका दोस्रो तहका नेताहरुबीच भएको वार्ताले ठोस निष्कर्ष निकाल्न नसकेपछि अब शीर्ष नेताहरुबीच बैठक बसी ठोस निकास निकालिने बताइएको छ । तीन दलका शीर्ष नेताहरुबीच बैठक चाँडै नै बस्ने तीनै दलका नेताहरुले बताएका छन् ।