केटी माग्न गएका युवकको ज्यान गयो

लिम्वूवान डट व्लगस्पोट डटकम,काठमाडौं

दमक, १७ असोज विवाहको विषयमा विवाद हुँदा भएको झडपमा परी इलाम, चुलाचुलीमा एक युवकको ज्यान गएको छ। चुलाचुली प्रहरी चौकीका अनुसार ज्यान जानेमा झापा, लखनपुर-१ का २८ वर्षीय राजबहादुर राई छन्। चुलाचुली-७ का अगमदीप राईको घरमा विवाहको विषयमा भइरहेको छलफलमा विवाद बढेपछि झडप भएको थियो। गाउँलेको कुटपिटबाट राईको गएराति उपचारका क्रममा दमकको लाइफलाइन अस्पतालमा मृत्यु भएको हो। छलफल हुँदै गर्दा मतमतान्तर भएपछि स्थानीय युवाहरुको एक समूहले राईलाई आक्रमण गरेका थिए। घटनामा संलग्न भएको आशङ्कामा तीनजनालाई आवश्यक अनुसन्धानका लागि नियन्त्रणमा लिएको बताइएको छ।